सन्दर्भ टुडे 
जेठ १८ : सत्तारुढ पाँचदलीय गठबन्धनले संसदीय निर्वाचन आगामी कात्तिक अन्तिम वा मंसिर पहिलो साताभित्र गर्ने विषयमा छलफल शुरु गरेको छ । स्थानीय तह निर्वाचनको समीक्षा गर्न सोमबार बसेको शीर्ष नेताहरुको बैठकमा संसदीय निर्वाचनका विषयमा छलफल शुरु भएको हो । बैठकमा संसदीय निर्वाचनका लागि आगामी कात्तिक २७ वा मंसिर ४ को मितिबारे पनि छलफल गरिएको जनाइएको छ ।
यसअघि २०७४ मंसिरमा संसदीय निर्वाचन सम्पन्न भएको थियो। नेपाली कांग्रेसका सभापति शेरबहादुर देउवा नेतृत्वको तत्कालीन सरकारले मंसिर १० र २१ गते दुई चरणमा संसदीय निर्वाचन गरेको थियो। प्रदेशसभाको चुनाव पनि सँगै भएको थियो ।
