काठमाडौँमा महिला चलचित्र महोत्सव सुरु

कार्यक्रममा चैत्यदेवी सिंह, प्रेम बस्न्यात, विष्णुगोपाल श्रेष्ठ, लक्ष्मी श्रेष्ठ लगायत चलचित्र क्षेत्रका लब्ध प्रतिष्ठित व्यक्तित्वहरूको सहभागिता रहेको थियो । महोत्सवको पहिलो दिन महिला चलचित्रकर्मी सशक्तीकरण समितिको परिचयात्मक भिडियो प्रदर्शन गरिनुका साथै नेपाली चलचित्र इतिहासको महत्त्वपूर्ण चलचित्र ‘कुमारी’ प्रदर्शन गरियो। सो अवसरमा ‘कुमारी’ चलचित्रका कलाकारहरूसँग अन्तर्क्रिया, अनुभव आदानप्रदान र निर्माण टिमको लाइभ पोट्र्रेट प्रस्तुति समेत गरिएको थियो ।

चार दिने महोत्सव अवधिभर महिला विषयमा आधारित चलचित्रहरू ‘कुमारी’ र ‘जीवन काँडाकी फूल’ प्रदर्शन गरिने बोर्डले जनाएको छ । कार्यक्रममा बोल्दै चलचित्र विकास बोर्डका अध्यक्ष दिनेश डीसीले नेपाली चलचित्र क्षेत्रमा महिलाहरूको भूमिका केवल अभिनयमा मात्र सीमित नरहेको बताए। उनले भने, ’महिलाहरूको योगदान सिर्जना, नेतृत्व, व्यवस्थापन र सामाजिक रूपान्तरणसम्म फैलिएको छ।