सन्दर्भ टुडे 
काठमाडौं, साउन ११ । उपप्रधानमन्त्री एवम् गृहमन्त्री नारायणकाजी श्रेष्ठले मधेस प्रदेश, महोत्तरीका सिडिओ, प्रशासनिक निकायका प्रतिनिधि तथा सुरक्षा निकायका प्रतिनिधिहरूलाई शान्तिसुरक्षा एवम् समसामयिक सेवा तथा वितरण चुस्त बनाउन आवश्यक निर्देशन दिएका छन् ।
बिहिवार उपप्रधानमन्त्री श्रेष्ठले मिटरब्याज अनुचित लेनदेन पीडितलाई आवश्यक समन्वय गरेर न्याय दिन समेत निर्देशन दिए ।
उनले भने, ‘मिटरब्याज (अनुचित लेनदेन)सम्बन्धि कानुन सकभर आज नै राष्ट्रियसभाबाट पारित भएर प्रमाणीकरणका लागि राष्ट्रपतिकोमा जाने छ। एकातिर कानुन छ, एकातिर आयोग छ, एकातिर तपाईंहरू हुनुहुन्छ । सकेसम्म अहिले नै आवश्यक समन्वय गरेर पीडितलाई न्याय दिनुहोस् ।’
गृहमन्त्री श्रेष्ठले नेपाल–भारत सीमामा हुने सामान ओसारपसारमा राज्यलाई नोक्सान पु¥याउने वा अवैध ओसारपसार गर्ने कामलाई कडाईका साथ नियन्त्रण गर्न तर वास्तवमै जनताको दैनिक आवश्यकता र व्यापारीक उद्देश्य के हो त्यसलाई दुईपाटोबाट हेर्न पनि निर्देशन दिएका छन् ।
उनले भने, ‘दैनिक व्यवहारिक आवश्यकता टार्न सामान ल्याउने कुरामा लचक हुनुहोस् र व्यापारीक प्रयोजनमा ल्याएको भए कडाई गर्नुहोस् ।’
