सन्दर्भ टुडे 
काठमाडौं । नेपाली बजारमा मंगलबार सुनको मूल्य प्रतितोला ६ सय रुपैयाँ बढेको छ ।
नेपाल सुनचाँदी व्यवसायी महासंघका अनुसार छापावाल सुनको मूल्य प्रतितोला १ लाख ७० हजार २ सय रुपैयाँ पुगेको छ । अघिल्लो दिन प्रतितोला १ लाख ६९ हजार ६ सय रुपैयाँ थियो ।
अमेरिकी राष्ट्रपति डोनल्ड ट्रम्पले निम्त्याएको ‘ट्रेडवार’का कारण अन्तर्राष्ट्रिय बजारमा सुनको मूल्य प्रतिऔंस २९ सय अमेरिकी डलर नाघेको छ ।
मंगलबार चाँदीको मूल्य भने घटेको छ । सोमबार १ हजार ९ सय ७५ रुपैयाँमा कारोबार भएको चाँदी आज १ हजार ९ सय ४५ मा कारोबार भएको हो ।
