सन्दर्भ टुडे 
कास्की । प्राइम बहुउद्देश्यीय सहकारी संस्था लिमिटेडको रकम हिनामिना गरेको आरोपमा थप एकजना पक्राउ परेका छन् ।
पक्राउ पर्नेमा तनहुँको व्यास नगरपालिका–१० निवासी ५६ वर्षीय शंकर नारायण श्रेष्ठ रहेका छन् ।
श्रेष्ठलाई मंसिर ८ गते कास्की प्रहरी कार्यालयबाट खटिएको टोलीले पोखरा महानगरपालिका–४, गैह्रापाटनस्थित सहकारीको कार्यालयबाट नियन्त्रणमा लिएको हो ।
उनलाई मंसिर मंगलबार कास्की जिल्ला अदालतमा उपस्थित गराइएको छ ।
अदालतले श्रेष्ठलाई रु. ५० लाख धरौटीमा रिहा गर्ने आदेश दिएको थियो । तर, धरौटी रकम तिर्न नसकेपछि उनलाई कारागार चलान गरिएको कास्की प्रहरीले जनाएको छ ।
