बढ्न थाल्यो कोरोना संक्रमित संख्या, मर्न थाले संक्रमित

काठमाण्डौ, कार्तिक २८ : केहि समय यता कोभिड त्रास कम भएर आम मान्छेको दैनिकी सामान्य अवस्थामा पुग्न लागीरहेको अवस्थामा कोरोना भने फेरि ब्यापक रुपमा फैलिन थालेको छ ।

अब्यबस्थित रुपमा हुने सभा समारोह ठुलठुला कार्यक्रम , बन्द हड्ताल जस्ता गतिविधि बढ्दै गए संगै कोरोना भाईसर थप सक्रिय भएको हो ।

नेपालगञ्जस्थित भेरी अस्पतालमा दुई दिनको अन्तरालमा तीन कोरोना सङ्क्रमितको उपचारका क्रममा मृत्यु भैसकेको छ । दुई दिनदेखि अस्पतालमा उपचाररत बर्दिया बढैयाताल गाउँपालिका–४ निवासी ४५ वर्षीया महिलाको गए राति मृत्यु भएको हो ।

जिल्ला कोभिड सङ्कट व्यवस्थापन केन्द्र बाँकेका स्रोत व्यक्ति तेज वलीका अनुसार यही कात्तिक २५ गते पिसीआर गर्दा सङ्क्रमण पुष्टि भएपछि उनीलाई अस्पतालमा भर्ना गरी उपचार सुरु गरिएको थियो ।

यसैगरी कैलाली लम्कीचुहा नगरपालिका–५ निवासी ७७ वर्षीय पुरुष र दाङ निवासी ४५ वर्षीया महिलाको शनिबार नै कोरोनाबाट निधन भएको थियो ।

यससँगै बाहिरी जिल्लाबाट बाँकेमा उपचार गराउन आउँदा ४३१ जनाको कोरोनाबाट भैसकेको छ । संक्रिय संक्रमितको संख्या नै घटिरहेको समयमा एकाएक मान्छेको मृत्यु हुन थालेपछि सन्त्रास फैलिएको हो ।