सन्दर्भ टुडे 
काठमाडौं, असार १५ । नेपाल विद्युत प्राधिकरणका कार्यकारी निर्देशक कुलमान घिसिङले साहित्यले मानव जीवनको कर्म आचरण र शैलीलाई नै परिवर्तन गर्ने बताएका छन् ।
शुक्रबार काठमाडौंमा आयोजित अमर ज्योति साहित्यिक पत्रिकाको ५८ औं अङक विमोचन कार्यक्रममा कार्यकारी निर्देशक घिसिङले साहित्य मानव जीवनको लागि अभिन्न अंग भएको बताए ।
उनले भने ‘ साहित्य एउटा जीवनमा अत्यन्त महत्वपूर्ण विषय हो । यो विषयलाई हामी सबैको जीवनमा महत्वपूर्ण हुन्छ । यसलाई हामी सबैको जीवन शैलीमा बदल्नु पर्छ । यसले धेरै मान्छेको कर्म र आचरण र शैलीलाई पनि परिवर्तन गर्छ । ’
कार्यकारी निर्देशक घिसिङले आफुलाई पनि साहित्यमा रुची भएको तर अध्ययन गर्ने मौका भने नपाएको बताए ।
