अबदेखि ट्राफिकले लाइसेन्स, ब्लुबुक र चाबी खोस्न नपाउने

कानूनका विद्यार्थी विवेक चौधरीले ट्राफिक प्रहरीले लाइसेन्स, ब्लुबुक र चाबी खोस्ने काम गैरकानूनी भएको र यस्तो कार्य बन्द गर्न माग गर्दै रिट दायर गरेका थिए । सोही रिटमाथिको सुनुवाइका क्रममा अदालतले यस्तो कार्य गैरकानूनी हुने उल्लेख गरेको छ ।

त्यस्तै, अदालतले ‘सवारी तथा यातायात व्यवस्था ऐन, २०४९’ विपरित सवारी चालकको अनुमतिपत्र (लाइसेन्स), ब्लुबुक तथा चाबी नियन्त्रणमा लिने कार्य नगर्न/नगराउन निर्देशनात्मक आदेश जारी गरेको छ ।

उक्त व्याख्या हाल हाल सार्वजनिक भएको छ । जहाँ लाइसेन्स, ब्लुबुक र चाबी खोस्ने वा नियन्त्रणमा लिने कार्यलाई गैरकानूनी हुने उल्लेख छ ।