सन्दर्भ टुडे 
काठमाडौं, असार ७ । चीनको यिनचुआन शहरको एक बारविक्यू रेष्टुरेन्टमा विस्फोट हुदाँ कम्तिमा ३१ जनाको ज्यान गएको छ ।
निङ्गसियास्थित सो रेष्टुरेन्टमा बुधबार राती विस्फोट हुँदा कम्तिमा ३१ जनाको मृत्यु भएको बीबीसीले जनाएको छ ।
ग्यास ट्यांक विष्फोट भएर थप सात जना गम्भीर घाइते भएको र उनीहरुलाई अस्पतालमा भर्ना गरिएको चिनियाँ संचारमाध्यमले जनाएका छन् ।
घटनाप्रति दुख ब्यक्त गर्दै चिनियाँ राष्ट्रपति सी चिनफिङले घाइतेहरुको शीघ्र उपचार गर्न र उद्योग क्षेत्रमा सुरक्षाको प्रबन्ध मिलाउन निर्देशन दिएका छन् ।
यसैबीच प्रहरीले सो विस्फोटको घटनापछि नौ जनालाई नियन्त्रणमा लिएको छ । त्यसमा सो रेष्टुरेन्टका मालिक समेत रहेको बीबीसीले जनाएको छ ।
