सन्दर्भ टुडे 
काठमाडौं । हाल देशमा कुनै किसिमको विशेष मौसम प्रणाली सक्रिय नरहेको मौसम पूर्वानुमान महाशाखाले जनाएको छ ।
कोशी र गण्डकी प्रदेशका पहाडी भू–भागमा आंशिक बदली रही बाँकी भागमा मौसम सफा रहेको छ । साथै तराईंका केही स्थानमा हुस्सु लागेको छ ।
आज सामान्यतया देशभरको मौसम सफा रहने महाशाखाको भनाइ छ । महाशाखाका अनुसार दिउँसो कोशी र गण्डकी प्रदेशका पहाडी भागमा आंशिक बदली रही बाँकी भागमा मौसम सफा रहने छ ।
त्यसैगरी, आज राति कोशी र गण्डकी प्रदेशका पहाडी भू–भागमा आंशिक बदली रही बाँकी भागमा मौसम सफा रहने महाशाखाले जनाएको छ ।
