सन्दर्भ टुडे 
केपि कुमाल जलन
नेपाली मोडलिङ तथा डान्स क्षेत्रमा पछिल्लो समय उदाउँदै गरेकी प्रतिभाशाली युवती हुन् नारायणी खत्री । आकर्षक मुस्कान, मनमोहक प्रस्तुति र सरल स्वभावका कारण धेरै दर्शकको मन जितिरहेकी नारायणीको जीवन भने बाहिर देखिएजस्तो सजिलो छैन । उनको मुस्कानभित्र लुकेको छ पीडा, संघर्ष र अथाह मेहनतको कथा ।
सानै उमेरमै आमाको माया गुमाएकी नारायणीले जीवनमा धेरै अभाव र कठिनाइ भोगिन् । एउटा छोरीका लागि आमाको साथ, माया र हौसला सबैभन्दा ठूलो शक्ति मानिन्छ । तर नियतिले उनलाई त्यो साथ लामो समयसम्म दिएन । आमाको अभावले जीवनमा ठूलो खालीपन छोडे पनि उनले कहिल्यै आफ्नो सपना मर्न दिइनन् ।
जीवनका कठिन परिस्थितिमा धेरै मानिस हार मान्छन्, तर नारायणीले संघर्षलाई नै आफ्नो सफलताको आधार बनाइन् । परिवारको जिम्मेवारी, भावनात्मक पीडा र समाजका अनेक चुनौतीबीच पनि उनले आफ्नो कला र प्रतिभालाई निरन्तर अघि बढाइरहिन् ।
डान्सप्रति सानैदेखि रुचि राख्ने नारायणीले विभिन्न सांस्कृतिक कार्यक्रम, म्युजिक भिडियो तथा सामाजिक सञ्जालमार्फत आफ्नो प्रतिभा प्रस्तुत गर्न थालिन् । सुरुका दिनमा धेरै अवरोध आए, अवसर पाउन सजिलो थिएन, तर उनले निरन्तर मेहनत गर्न छोडिनन् ।
आज सामाजिक सञ्जालमा उनका तस्वीर र भिडियोहरू दर्शकले निकै रुचाउने गरेका छन। जीवनसँग लडेर अघि बढेकी एक संघर्षशील युवतीको आत्मविश्वास पनि हो ।
नारायणी खत्रीले अहिले आफूलाई नेपाली मोडलिङ तथा डान्स क्षेत्रमा स्थापित गर्ने यात्रालाई निरन्तरता दिइरहेकी छन् । उनको जीवनले एउटा सन्देश दिन्छ — “अभाव र पीडाले सपना रोक्न सक्दैन, यदि आत्मविश्वास र मेहनत बलियो छ भने।”
आज धेरै युवतीहरूका लागि उनी प्रेरणाको पात्र बन्दै गएकी छन् । आमाको अभावलाई कमजोरी होइन, सफलताको शक्ति बनाएर अघि बढिरहेकी नारायणी खत्रीको संघर्ष र मेहनतको यात्रा अझै धेरै टाढासम्म पुग्ने विश्वास गरिएको छ ।
