सन्दर्भ टुडे 
नेपालमा फिल्म सार्वजनिक प्रदर्शनअघि केन्द्रीय चलचित्र जाँच समिति (सेन्सर बोर्ड) मा अनिवार्य सेन्सर पास गर्नुपर्ने नियम छ । बोर्डको तथ्याङ्कअनुसार वर्ष २०८२ वैशाखदेखि चैतसम्म स्वदेशी र विदेशी गरेर कुल २०४ वटा फिल्मले सेन्सरबाट प्रदर्शन अनुमति प्राप्त गरेका छन् । ती सबै फिल्ममा नेपाली ९०, हिन्दी ६०, अङ्ग्रेजी ३६, अन्य भाषाभाषी (गुरुङ, सैबु, लिम्बू, नेपाल भाषा, जापानी, मैथिली, भोजपुरी, तामाङ, कोरियन र बङ्गाली) १८ वटा रहेका छन् ।
जसमा सबै उमेर समूहका दर्शकले हेर्न मिल्ने अर्थात् ‘यू’ (युनिभर्सल) सर्टिफिकेट पाउने फिल्मको सङ्ख्या सबैभन्दा बढी देखिएको छ । यस वर्ष कुल ८९ वटा फिल्मले ‘यू’ सर्टिफिकेट प्राप्त गरेका छन् । त्यसैगरी ‘पिजी’ (प्यारेन्टल गाइडेन्स) अर्थात् अभिभावकसँग वा अभिभावकको निगरानीमा मात्र हेर्न मिल्ने सर्टिफिकेट पाउने फिल्मको सङ्ख्या ८१ रहेको छ ।
जसमा सबै उमेर समूहका दर्शकले हेर्न मिल्ने अर्थात् ‘यू’ (युनिभर्सल) सर्टिफिकेट पाउने फिल्मको सङ्ख्या सबैभन्दा बढी देखिएको छ । यस वर्ष कुल ८९ वटा फिल्मले ‘यू’ सर्टिफिकेट प्राप्त गरेका छन् । त्यसैगरी ‘पिजी’ (प्यारेन्टल गाइडेन्स) अर्थात् अभिभावकसँग वा अभिभावकको निगरानीमा मात्र हेर्न मिल्ने सर्टिफिकेट पाउने फिल्मको सङ्ख्या ८१ रहेको छ ।
नेपालमा रिलिज हुने फिल्ममा ‘यू’ र ‘पिजी’ को तुलनात्मक रूपमा वयस्कहरूका लागि मात्र लक्षित ‘ए’ (एडल्ट) सर्टिफिकेट पाउने फिल्मको सङ्ख्या भने न्यून देखिएको छ । यस वर्ष ३४ वटा फिल्मले ‘ए’ सर्टिफिकेट प्राप्त गरेका छन् । यो सर्टिफिकेट पाएका फिल्म १८ वर्षभन्दा माथिका दर्शकले मात्र हेर्न पाउनेछन् ।
