सन्दर्भ टुडे 
काठमाडौ । नेपाली बजारमा आज बिहीबार सुनको मूल्य बढेको छ।
नेपाल सुनचाँदी व्यवसायी महासंघका अनुसार आज सुन तोलामा १२ सय रुपैयाँले बढेको हो ।
बिहीबार सुन तोलामा १ लाख ५६ हजार ६ सय रुपैयाँमा कारोबार भैरहेको महासंघले जनाएको छ ।
बुधबार छापावाल सुन प्रतितोला एक लाख ५५ हजार चार सय रुपैयाँमा कारोबार भएको थियो भने मंगलबार एक लाख ५५ हजार रुपैयाँमा कारोबार भएको थियो ।
यस्तै, बिहीबार चाँदीको मूल्य पनि बढेको छ। आज चाँदीको मूल्य प्रतितोला एक हजार आठ सय ८० रुपैयाँमा कारोबार भइरहेको छ। यो मूल्य बुधबारको तुलनामा तोलामा ५० रुपैयाँ बढेको हो ।
