सन्दर्भ टुडे 
केपि कुमार जलन,बागलुङ
नेपाली सांगीतिक क्षेत्रमा सक्रिय गायक सन्तोष आचार्य विवाह बन्धनमा बाँधिएका छन्। पारिवारिक तथा आफन्तजनको उपस्थितिमा सम्पन्न भएको विवाह समारोहमा शुभेच्छुक, साथीभाइ र संगीतकर्मीहरूले नवदम्पतीलाई शुभकामना व्यक्त गरेका छन्।
आफ्नो सुमधुर गायनमार्फत श्रोतामाझ परिचित बनेका आचार्यको विवाहको खबर सार्वजनिक भएसँगै सामाजिक सञ्जालमा बधाई तथा शुभकामनाको ओइरो लागेको छ। विवाह जीवनको नयाँ अध्यायमा प्रवेश गरेका गायक आचार्यले आगामी दिनमा पारिवारिक तथा सांगीतिक यात्रालाई अझ सशक्त रूपमा अगाडि बढाउने विश्वास व्यक्त गरिएको छ।
नेपाली संगीत क्षेत्रमा योगदान पुर्याउँदै आएका गायक सन्तोष आचार्यलाई वैवाहिक जीवनको सफल, सुखद र समृद्ध भविष्यका लागि शुभकामना व्यक्त गरिएको छ।
