तीजको मौलिक स्वाद बोकेर आयो रिना केसीको एकल स्वरमा ‘बारीको अरीमैले

केपि कुमार जलन

काठमाडौं । नेपाली लोक तथा तीज गीतको क्षेत्रमा आफ्नो छुट्टै पहिचान बनाउँदै आएकी लोक गायिका रिना केसीले यस वर्षको तीजलाई लक्षित गर्दै नयाँ तीज गीत ‘बारीको अरीमैले’ सार्वजनिक गरेकी छन्। केसीको एकल स्वरमा रहेको उक्त गीत आफ्नै YouTube च्यानलमार्फत दर्शक तथा श्रोतामाझ ल्याइएको हो।

तीज नेपाली महिलाहरूको महत्वपूर्ण सांस्कृतिक पर्व हो। तीजमा गीत–संगीतमार्फत सुख–दुःख, प्रेम, पारिवारिक सम्बन्ध, सामाजिक परिवेश तथा महिलाका भावनाहरू अभिव्यक्त गर्ने मौलिक परम्परा रहँदै आएको छ। यही मौलिक परम्परालाई आत्मसात् गर्दै ‘बारीको अरीमैले’ मार्फत रिना केसीले तीजको सांगीतिक रौनक थप्ने प्रयास गरेकी छन्।

गीतमा युस्कल छिनालको लय तथा निसा सुनारको शब्द रहेको छ। गीतको एकल स्वर रिना केसीको रहेको छ भने भिडियोमा रीना गुरुङको अभिनय रहेको छ। पोस्टरमा उल्लेख भएअनुसार गीतको कथा तथा निर्देशन समीर रम्दामले गरेका छन्।

मायाप्रेम, तीजको मौलिक भावना र नेपाली लोकसंस्कृतिको मिठासलाई केन्द्रमा राखेर तयार गरिएको गीतको भिडियोमा तीजको सांस्कृतिक परिवेशलाई प्रस्तुत गर्ने प्रयास गरिएको छ। विशेषगरी तीजको अवसरमा महिला

दिदीबहिनीहरूबीचको आत्मीयता, मनोरञ्जन र सांगीतिक वातावरणसँग जोडिने किसिमको प्रस्तुति गीतमा देखिन्छ।