पर्दामा गुन्जने छैन उनको आवाज, अब नया पात्र मा देखिने छैनन-नाना

हिन्दी तथा मराठी सिनेमाका दिग्गज अभिनेता पाटेकरको बिहीबार बिहान गोवास्थित घरमा हृदयाघातपछि निधन भएको हो। उनलाई घरमै बेहोस अवस्थामा भेटिएपछि चिकित्सकीय टोली पुगेको थियो। तत्काल कार्डियक मसाजसहित उपचार शुरू गरेर अस्पताल लगिए पनि प्रयास सफल हुन सकेन। करिब ४५ मिनेटसम्म उनलाई बचाउने प्रयास गरिएको थियो।

७५ वर्षको उमेरमा उनको निधनसँगै चार दशकभन्दा लामो एउटा अभिनय यात्रा टुंगिएको छ।

उनको वास्तविक नाम विश्वनाथ पाटेकर थियो। बाल्यकालमा सानी बहिनीले मायाले ‘नाना’ भनेर बोलाएपछि त्यही नाम उनको पहिचान बन्यो। उनको जन्म १९५१ जनवरी १ मा महाराष्ट्रको रायगढ जिल्लाको मुरुड–जञ्जिरामा भएको थियो।