सन्दर्भ टुडे 
जेष्ठ १५ः तारा एयरको वेपत्ता जहाज खोजीका लागि गएको नेपाली सेनाको हेलिकोप्टर मुस्ताङको नर्सिङ गुम्बा नामक स्थानमा अवतरण गरेको छ ।
त्यहाँबाट नेपाली सेनाका १० जना र नेपाल नागरिक उड्डयन प्राधिकरणका दुई जनाको टोली मोबाइलको लोकेसन पत्ता लागेको तर्फ गएको नेपाल नागरिक उड्डयन प्राधिकरणका अधिकारीले बताएका छन् ।
त्रिभुवन अन्तर्राष्ट्रिय विमानस्थलका महाप्रवन्धक प्रेमनाथ ठाकुरका अनुसार पैदलयात्राबाट पनि सेना र प्रहरीको टोली पनि परिचालन गरिएको छ । काठमाडौंबाट हिमालयन रेस्क्युको टोली पनि पठाइएको छ ।
महाप्रवन्धक ठाकुरका अनुसार क्याप्टेन प्रभाकर घिमिरेको फोन ट्र्याक गर्दा टिटी लेक आसपासमा लोकेसन पत्ता लागेकाले खोजी त्यतै केन्द्रित गरिएको छ ।
स्थानीय पत्रकार शुशिलबाबु थकालीका अनुसार पाईलटको मोबाईमा फोन लागेको , एयर पत्ता लागेको जस्ता सबै कुरा भ्रम पैदा गर्ने वाला रहेको भन्दै विश्वासि नगर्न अनुरोध गरेका छन ।
मुस्ताङ जिल्लाको थासाङ्ग, लोमाङ्गथान लगायतको स्थानमा दुर्घटना भएको हुन सक्ने भन्दै खोजीकार्य तिब्र पारेको बताएका छन । उनका अनुसार मौषममा आएको खराविको कारण खोजिकार्यमा ढिला भएको जानकारि दिएका छन, बाक्लो हुस्सुको कारण समस्या बल्झिएको भनाई छ ।
