सन्दर्भ टुडे 
रसुवाको भोटेकोशीमा आएको विनाशकारी बाढीपछि फेला परेका मृतकका शव काठमाडौंको महाराजगञ्जस्थित त्रिवि शिक्षण अस्पतालमा ल्याउने क्रम बढेको छ।
अस्पतालका फोरेन्सिक विज्ञ डा. गोपाल चौधरीका अनुसार अहिलेसम्म ६० वटा शव अस्पतालमा ल्याइएकोमा ८ वटाको पहिचान भइसकेको छ भने २८ वटा शवको पोस्टमार्टम भइरहेको छ।
अस्पतालको शवगृहमा अब करिब १० वटा शव मात्र राख्न सकिने अवस्था रहेको छ। थप शव आएमा क्षमता पुग्ने भएकाले सरकारले अस्थायी शव भण्डारणका लागि वैकल्पिक स्थान पहिचान गर्नुपर्ने अस्पतालले सुझाव दिएको छ।
बाढीबाट ल्याइएका केही शवहरू पहिचान गर्न कठिन हुने अवस्थामा रहेकाले शव व्यवस्थापन र मृतकको पहिचानका लागि सरकारी निकायबीच तत्काल समन्वय आवश्यक देखिएको छ।
