सन्दर्भ टुडे 
काठमाडौँ । नेपाल प्रिमियर लिग (एनपिएल) मा सुदूरपश्चिम रोयल्सविरुद्ध जनकपुर बोल्ट्सले हार व्यहोरेको छ । जनकपुरको यो पहिलो हार हो ।
लगातार ४ खेलमा जित निकालेको जनकपुर पाचौं खेलमा सुदुरपश्चिम रोयल्ससँग ७२ रनले पराजित हुन पुगेको हो ।
सुदूरपश्चिमले दिएको १२४ रनको लक्ष्य पछ्याएको जनकपुरले १२.१ ओभरमा सबै विकेट गुमाउँदै ५१ रनमा सिमित भयो ।
जनकपुरमाथि सुदूरपश्चिमका बलर हाबी भए । आउट भएको जनकपुरका कुनै पनि ब्याटरले दोहोरो अंकमा रन बनाउन सकेनन् ।
सुदूरपश्चिमका कप्तान दीपेन्द्रसिंह ऐरी, हर्मित सिंह र इशान पाण्डेले दुईदुई, सैफ अली जैव, स्कट कुगेलेइन र नरेन साउदले एकएक विकेट लिए ।
जनकपुरका जोसुआ ट्रोम्पले सर्वाधिक १३ रन जोडे । अन्य ब्याटरले दोहोरो अंकमा रन बनाउन सकेनन् ।
जनकपुर ओपनर अनिलकुमार शाह शुन्य, आसिफ शेख ४, लाहिरु मिलान्था ७, हर्ष थाकर ५, जिमी निशम ४, अरनिको यादव १, शेर मल्ल शुन्य, ललित राजवंशी ४ र शुभ कंशाकार शुन्य रनमा आउट भए । किशोर महत्तो शुन्य रनमा अविजित रहे ।
टीयु क्रिकेट मैदानमा टस हारेर पहिला ब्याटिङ गरेको सुदूरपश्चिमले निर्धारित २० ओभरमा ९ विकेट गुमाउँदै १२३ रनमा रोकिएको थियो ।
