सन्दर्भ टुडे 
केपि कुमार जलन
नेपाली भक्ति संगीत क्षेत्रमा नयाँ आध्यात्मिक कोसेलीका रूपमा ‘हे प्रभु : भगवानको महिमा–२’ गीत तथा म्युजिक भिडियो सार्वजनिक भएको छ। गायिका **निशा के.सी.**को प्रस्तुति रहेको यस भजनमा निशा के.सी., शिव हमाल र सुशीला गौतमको सुमधुर स्वर सुन्न सकिन्छ।
भगवानप्रतिको आस्था, श्रद्धा र समर्पणको भावलाई समेटिएको गीतमा शिव हमालको शब्द तथा **निशा के.सी.**को संगीत रहेको छ। गीतको संगीत संयोजन सुनिल परियारले गर्नुभएको हो। भजनले धार्मिक चेतना, सकारात्मक सोच र आध्यात्मिक सन्देश प्रवाह गर्ने प्रयास गरेको छ।
म्युजिक भिडियोमा शिव हमाल, सुशीला गौतम र सपना क्षेत्रीको अभिनय देख्न सकिन्छ। भिडियोको निर्देशन **स्मृति तिमिल्सिना ‘गुरुआमा’**ले गर्नुभएको हो। आध्यात्मिक परिवेश, आकर्षक दृश्यांकन र भावपूर्ण प्रस्तुतिले भिडियोलाई थप प्रभावशाली बनाएको छ।
सार्वजनिक भएसँगै दर्शक तथा श्रोताबाट सकारात्मक प्रतिक्रिया प्राप्त गरिरहेको ‘हे प्रभु : भगवानको महिमा–२’ निशा के.सी. युट्युब च्यानलमार्फत हेर्न सकिनेछ। भक्तिमय संगीतप्रेमीका लागि यो भजन एक उत्कृष्ट आध्यात्मिक उपहार बनेको निर्माण टोलीले जनाएको छ।
