नयाँ भेरियन्ट ओमिक्रोन कति खतरायुक्त ? कुन कुन देशमा फैलियो हेर्नुस् ?

काठमाडौं मंसिर १६ : दक्षिण अफ्रिकामा पहिलो पटक फेला परेको कोभिड–१९ को नयाँ भेरियन्टलाई ओमिक्रोन नामकरण गर्दै ‘भेरियन्ट अफ कन्सर्न’ घोषणा गरेको विश्व स्वास्थ्य संगठन (डब्ल्यूएचओ) ले सोमबार यो भाइरस सर्ने जोखिम ‘धेरै उच्च’ रहेको चेतावनी दिएको थियो ।

हालसम्म ओमिक्रोन नामकरण गरिएको भाईरस पुष्टि भएतापनी यसको संक्रमणबाट मान्छेको मृत्युको खबर आएको छैन । यद्यपि, यससम्बन्धी थप अनुसन्धान आवश्यक रहेको डब्ल्यूएचओले जनाएको छ ।

ओमिक्रोन कोरोनाभाइरस भेरियन्ट नोभेम्बर २४ यता कम्तीमा २२ देशमा फेला परेको जनाइएको छ ।

हालसम्म निम्नानुसारका देशमा संक्रमित फेला परेका छन 

एसियाली देशहरूस् हङकङ, जापान, दक्षिण कोरिया, इजरायल र साउदी अरेबिया ।

अफ्रिकी देशहरू : दक्षिण अफ्रिका र बोत्स्वाना ।

युरोपेली देशहरू : अष्ट्रिया, बेल्जियम, चेक रिपब्लिक, डेनमार्क, जर्मनी, इटली, नेदरल्यान्ड्स, पोर्चुगल, स्वीट्जरल्यान्ड, स्पेन र बेलायत ।

उत्तर अमेरिकी देश : क्यानडा ।

दक्षिण अमेरिकी देश : ब्राजिल ।

अष्ट्रेलियाली देश : अष्ट्रेलिया ।