सन्दर्भ टुडे 
केपि कुमार जलन
तीज आउँदा माइती सम्झिने छोरीका मनमा लुकेका पीडा र भावनालाई गीतमार्फत प्रस्तुत गरिएको मार्मिक तीज गीत ‘दुःखी छोरी’ सार्वजनिक भएको छ।
कृष्ण परियारको स्वरमा रहेको गीत देवबहादुर सुनारले शब्द तथा लय सिर्जना गरेका हुन्। गीतको भिडियोमा रञ्जिता गुरुङको भावपूर्ण अभिनय देख्न सकिन्छ।
‘दुःखी छोरी’ केवल तीजको गीत मात्र नभई छोरीको जीवन, माइतीप्रतिको माया र मनभित्र दबिएका भावनालाई समेटिएको सांगीतिक कथा बनेको छ। तीजको अवसरमा माइतीघरको सम्झना, सुख–दुःख र जीवनका विभिन्न परिस्थितिलाई गीतले भावनात्मक ढंगले उजागर गरेको छ।
गीतको एरेन्ज डोलराज बरघरे, रेकर्डिङ रमेश खड्का, मिक्सिङ/मास्टरिङ बिनोद परियारको रहेको छ। भिडियोको निर्देशन तथा कोरियोग्राफी **स्मृति तिमिल्सिना ‘गुरुआमा’**ले गरेकी छन् भने छायांकन करण चैसिर र सम्पादन/कलर दीपक विष्टले गरेका छन्।
कृष्ण परियारको युट्युब च्यानलमार्फत सार्वजनिक गरिएको गीतले तीजको रमझमसँगै छोरीका मनका कथा र भावनालाई दर्शक–श्रोताको मनसम्म पुर्याउने अपेक्षा गरिएको छ।
सर्जक तथा कलाकारहरूले गीत हेरेर प्रतिक्रिया, सल्लाह र सुझाव दिन आग्रह गरेका छन्। साथै सम्पूर्ण नेपाली दिदीबहिनी तथा दर्शक–श्रोतामा तीजको हार्दिक शुभकामना व्यक्त गरेका छन्।
