सन्दर्भ टुडे 
फागुन १० : महानगरीय प्रहरी परिसर काठमाडौँले काठमाडौँस्थित पुरानो बानेश्वरबाट ३६ जना चिनियाँ नागरिकलाई पक्राउ गरेको छ ।
महानगरीय प्रहरी परिसर काठमाडौँका एसएसपी सुदीप गिरीका अनुसार उनीहरुलाई अवैध कल बाइपासमा संलग्न भएको आरोपमा पक्राउ गरिएको हो ।
उनीहरुमाथि थप आवश्यक अनुसन्धान भइरहेको एसएसपी गिरीको भनाइ छ।
पक्राउ परेका चिनियाँ नागरिकहरूलाई प्रहरी वृत्त नयाँ बानेश्वरको हिरासतमा राखिएको एसएसपी गिरीले बताए।
उनीहरु कहिले देखि अवैध कल बाइपासमा संलग्न थिए र समुह ३६ जना वा त्यो भन्दा थप संख्या छ त्यो बारेमा प्रस्ट अनुसन्धान हुने प्रहरीको भनाई छ ।
